“A masaxe pressel para min é unha experiencia integradora. Por un lado me axuda a soltar e a liberar as tensións do corpo físico,  recoñecer a emoción presente do momento e  aquietar a mente. Despois de soltar, os pases finais me recollen e acunan. É unha masaxe completa e equilibrada que me acompaña no meu proceso persoal de autocoñecemento e me permite reconectar co corpo.
A presenza de Beatriz, as suas mans, o  espazo coidado en cada detalle, fan que me sinta escoitada e acollida en todo o meu ser de forma cálida e amorosa.”

Miriam

“A arteterapia paréceme unha ferramenta ben adecuada para facer un traballo persoal a través da arte, e asistir as sesións con Beatriz Domarti foi para min un privilexio: o seu saber, o seu bo facer e a orientación agarimosa e oportuna para axudarme a plasmar aquelo que eu quería realizar, axudáronme moito. Grazas Bea!”

Chus

“As clases de arteterapia para min son momentos de desconexion, de paz e tranquilidade nunhas mans cercanas e familiares. A miña experiencia está chea de bos recordos e dunha retroalimentación moi boa. Aconsello a toda persoa que precise de momentos sen agobios ou simplemente  que queira pasar un maravilloso rato tranquilo en compañía dunha persoa moi cercana.”

María

“Xa hai uns cantos anos que tiven contacto por primera vez coa arteterapia e ainda teño presentes a curiosidade que sentía antes  de entrar polo que a nova clase me aportaría, a maxia das cores, a revolta de sensacións propias durante a clase e a gran satisfacción de saír coa miña creación artística. FANTÁSTICO”

Begoña

“Hai xa algo máis de 6 anos que disfrutei das clases de arteterapia con Bea e teño que dicir que foi todo un pracer compartir ese curso con ela. Levaba tempo querendo sacar de novo esa vena artística que cando era pequena estaba ahí e cos anos afundiu non sei a onde, e ela axudoume a facelo. Era un gusto vernos unha vez por semana e sacar esa creatividade guiada por ela, o lembro como relaxante e estimulante ao mesmo tempo. Ademais de que como persoa é un amoriño. A día de hoxe moitos dos traballos que fixemos decoran a miña casa. Grazas Bea por todo o aprendido e compartido contigo.”

Ana

 “A masaxe Pressel é, por excelencia, unha modalidade terapéutica que traspasa a pel para, en mans de Beatriz, “tocarche a alma”. Para que o proceso sexa efectivo, a suma de factores, alguns deles dunha extraordinaria sutileza, require profesionalidade na técnica, calidez na armonía, precisión espacial e temporal, e unha percepción integral do conxunto. Pero sobre todo, un manexo das enerxías que non calquer terapeuta sabe organizar a favor do reequilibrio da saúde. 

Non podo afirmar con exactitude se a revolución interna que se produxo e que resultou, polo menos na miña experiencia, tan necesaria como liberadora, foi a causa do Pressel ou a gran potencia de canalización que Beatriz exerce na sua total e xenerosa entrega. Tal vez se trate dunha combinación naturalmente perfecta. Moito máis que recomendable.”

Myriam K

“Liberar a mente e soltar o corpo. A masaxe, cálida e inspiradora, ofrece un tempo de concentración no que activar a reflexión e o impulso para o día a día.”

Vanesa

“Asistir as clases de arteterapia foi como abrir unha ventá, estrana e curiosa, porque dende ela se vía o exterior doutra forma pero tamén o interior. Unha ventá en dúas direccións. E iso foi asombroso. Un mundo novo, de cores, formas, texturas, pero non só iso, senón un mundo de palabras diferentes e de sensacións e pensamentos diferentes que non me resulta posible expresar por escrito, só se pode facer no papel ou no barro. Asistir era sempre ir con ilusión, sempre. E ó saír un suspiro profundo, saíra como saíra. Eso é unha gran ensinanza, penso eu, Bea sempre nos recordaba respirar profundo. Significaron para min afrontar cousas con serenidade, aprender moitísimo! Ensinoume a importancia de recibir, recordo que aquel día a clase quedou inundada de silencio, porque o fixo con firmeza e delicadeza a un tempo. E tamén que se pode ser feliz e estar triste, e non ter medo dos sentimentos… ah! e tamén a mirar o ceo doutra forma, sí, como cambiou o ceo!! Tódolos veráns busco detalles ó solpor, é outro mundo. Eso diría, o mundo é diferente, e por dentro tamén vin cousas diferentes en min.”

Mila